ലാലേട്ടനും ട്വിട്ടെരിലേക്ക്

http://twitter.com/Lal_Mohanlal

ഒടുവില്‍ ലാലേട്ടനും ട്വിട്ടെരിലേക്ക് എത്തുന്നു. മേജര്‍ രവിയുടെ ചിത്രമായ കാണ്ടെഹാരിന്റെ ഷൂട്ടിംഗ് ലോകഷനില്‍ വച്ച് ബിഗ്‌ ബച്ചന്‍ ഇക്കാര്യം ലാലെട്ടനോട് സംസാരിക്കുകയും ലാലേട്ടന്‍ അത് സമ്മതിക്കുകയും ചെയ്തതായി ബിഗ്‌ ബച്ചന്‍ തന്റെ ട്വീട്ടിലൂടെ ലോകത്തെ അറിയിച്ചിരിക്കുന്നു. ലാലേട്ടന് ട്വിട്ടെരിലേക്ക് സ്വാഗതം.

http://twitter.com/SrBachchan

posted under |

മലയാളത്തിലഭിനയിക്കുന്നത് ലാലിനുവേണ്ടി: ബച്ചന്‍

മോഹന്‍ലാല്‍ ഒപ്പമുണ്ട് എന്നതുകൊണ്ട് മാത്രമാണ് മലയാള സിനിമയില്‍ അഭിനയിക്കാന്‍ തയ്യാറായതെന്ന് ബോളിവുഡ് രാജാവ് അമിതാഭ് ബച്ചന്‍. മേജര്‍ രവി സംവിധാനം ചെയ്യുന്ന കാണ്ഡഹാറില്‍ അഭിനയിക്കുന്നതിനെക്കുറിച്ച് തന്‍റെ ബ്ലോഗിലെഴുതിയ ലേഖനത്തിലാണ് ബിഗ്ബി ഇക്കാര്യം വ്യക്തമാക്കുന്നത്.“മോഹന്‍ലാലിനോടുള്ള ആദരവ് കാരണം ആ ചിത്രത്തിലേക്കുള്ള ക്ഷണം എനിക്ക് നിരസിക്കാനായില്ല. ഏറ്റവും പ്രതിഭാധനനായ, വിസ്മയിപ്പിക്കുന്ന കലാകാരനാണ് മോഹന്‍ലാല്‍. ഞാന്‍ അദ്ദേഹത്തെയും അദ്ദേഹത്തിന്‍റെ സിനിമകളെയും ബഹുമാനിക്കുന്നു. ലാലിന് ലാലിന്‍റേതുമാത്രമായ ഒരു ശരീരഭാഷയും ഭാവങ്ങളുമുണ്ട്. അദ്ദേഹം അനായാസമായി പ്രകടിപ്പിക്കുന്ന ഭാവചലനങ്ങളുടെ റിസല്‍ട്ട് നമ്മെ അത്ഭുതപ്പെടുത്തും. ലാലിനെ കണ്ടിരിക്കുക തന്നെ സന്തോഷകരമായ അനുഭവമാണ്” - അമിതാഭ് പറയുന്നു.കാണ്ഡഹാറിലെ വിമാനറാഞ്ചല്‍ പ്രമേയമാക്കുന്ന ‘കാണ്ഡഹാര്‍’ അമിതാഭ് ബച്ചന്‍റെ ആദ്യ മലയാള ചിത്രമാണ്. സുമലത ഈ ചിത്രത്തില്‍ അഭിതാഭിന്‍റെ ഭാര്യയായി അഭിനയിക്കുന്നു. മേജര്‍ മഹാദേവന്‍ എന്ന കഥാപാത്രത്തെയാണ് മോഹന്‍ലാല്‍ അവതരിപ്പിക്കുന്നത്. കീര്‍ത്തിചക്ര, കുരുക്ഷേത്ര സിനിമാപരമ്പരയിലെ മൂന്നാം ചിത്രമാണ് കാണ്ഡഹാര്‍.“ഞാന്‍ കേരളത്തില്‍ ഒരു ചടങ്ങില്‍ പങ്കെടുക്കാനെത്തിയപ്പോഴാണ് മോഹന്‍ലാലും മേജര്‍ രവിയും ഈ മലയാള ചിത്രത്തില്‍ അഭിനയിക്കുന്ന കാര്യം അവതരിപ്പിച്ചത്. പിന്നീട് പ്രൊജക്ടിന്‍റെ വിശദാംശങ്ങളുമായി അവര്‍ എന്നെ കാണാന്‍ വന്നു. ആ ചിത്രത്തില്‍ അഭിനയിക്കുന്നതിന്‍റെ പ്രതിഫലക്കാര്യമൊക്കെ അപ്പോള്‍ അവര്‍ സംസാരിച്ചു. ഞാന്‍ അത്ഭുതപ്പെട്ടു. എനിക്ക് പ്രതിഫലമോ? അതും മോഹന്‍ലാലിനെപ്പോലെ ഞാന്‍ ആദരിക്കുന്ന ഒരു നടന്‍റെ സിനിമയില്‍ അഭിനയിക്കുന്നതിന്! ഒരു രൂപപോലും വേണ്ട. അഭിനയിക്കാനായി എപ്പോള്‍ എവിടെ വരണമെന്ന് മാത്രം അറിയിച്ചാല്‍ മതിയെന്ന് അവരോടു ഞാന്‍ പറഞ്ഞു” - അമിതാഭ് ബച്ചന്‍ വ്യക്തമാക്കി.
source:webdunia.com

posted under |

Mohanlal Kandahar Movie Poster website

www.themoviekandahar.com

posted under |

Kandahar Mohanlal Pictures




posted under |

Mohanlal fans Cutout


posted under |

Worldwide Online Mohanlal Fans & Cultural Welfare Association

Worldwide Online Mohanlal Fans & Cultural Welfare Association (WWOMFCWA)

posted under |

Shikkar Movie Website


visit Shikkar Movie Website : http://www.shikkarthehunt.com/

posted under |

Oru Naal Varum Website


Visit Oru Naal Varum Website http://www.orunaalvarumthemovie.com/

posted under |

കാണ്ടഹാര്‍ തുടങ്ങി; എയര്‍ഹോസ്റ്റസായി കാവേരി ഝാ

മള്‍ട്ടിസ്റ്റാര്‍ ചിത്രം കാണ്ടഹാറിന്റെ ഷൂട്ടിങ് തുടങ്ങി. ഡെറാഡൂണിലെ സൈനിക അക്കാദമയിലാണ് ആദ്യ ഷെഡ്യൂള്‍ ചിത്രീകരണം നടക്കുന്നത്. കാണ്ടഹാര്‍ വിമാനറാഞ്ചല്‍ പശ്ചാത്തലമാക്കി ഒരുക്കുന്ന ചിത്രത്തില്‍ മേജര്‍ മഹാദേവനായി മോഹന്‍ലാല്‍ വീണ്ടുമെത്തുന്നു. ആദ്യവസാനം നിറഞ്ഞുനില്‍ക്കുന്ന വേഷത്തിലൂടെ അമിതാഭ് ബച്ചന്‍ ഈ ചിത്രത്തിലൂടെ മലയാളത്തിലുമെത്തുന്നു. അഭിയും നാനും, ഉന്നൈപ്പോല്‍ ഒരുവന്‍ എന്നീ സിനിമകളിലൂടെ തമിഴകത്ത് ശ്രദ്ധേയനായ ഗണേഷ് വെങ്കിട്രാം ലാലിനൊപ്പം കമാന്‍ഡോ വേഷം അവതരിപ്പിക്കും. കന്നഡ നടി രാഗിണി ദ്വിവേദിയാണ് നായിക. എയര്‍ഹോസ്റ്റസിന്റെ റോളില്‍ തമിഴ് നടി കാവേരി ഝായും വേഷമിടും. മലയാളം, തമിഴ്, ഹിന്ദി ഭാഷകളിലായി ചിത്രം പുറത്തിറക്കാനാണ് നിര്‍മ്മാതാക്കളുടെ ലക്ഷ്യം. നിര്‍മ്മാണ പങ്കാളിയായി മോഹന്‍ലാലിന്റെ പ്രണവം ആര്‍ട്‌സുമുണ്ട്. ഡെറാഡൂണിന് പുറമേ താഷ്‌കന്ദിലായിരിക്കും ചില പ്രധാന രംഗങ്ങള്‍ ഷൂട്ട് ചെയ്യുക. source:mathrubhumi.com

posted under |

മോഹന്‍ലാല്‍ - അഭിനയകലയുടെ ദേവനും അസുരനും

മോഹന്‍ലാല്‍ - അഭിനയകലയുടെ ദേവനും അസുരനും

സംവിധായകരുടെ നടനാണ് മോഹന്‍ലാല്‍. അദ്ദേഹം അഭിനയിച്ച സിനിമകളുടെ വ്യത്യസ്തതയും ഭംഗിയും അതാണ്. മേക്കപ്പിന്‍റെ സഹായത്താല്‍ രൂപമാറ്റം വരുത്തി അധിക സിനിമകളില്‍ പ്രത്യക്ഷപ്പെട്ടിട്ടില്ല മോഹന്‍ലാല്‍. ശബ്ദത്തിലും വലിയ വ്യതിയാനങ്ങള്‍ പരീക്ഷിക്കാറില്ല. എന്നാല്‍, ഓരോ സംവിധായകരുടെ ചിത്രത്തിലും വ്യത്യസ്തമായ ലാലിനെ പ്രേക്ഷകര്‍ക്ക് കാണാനാകുന്നു.

പത്മരാജന്‍റെ സിനിമകളില്‍ കണ്ട മോഹന്‍ലാലിനെ ഒരിക്കലും സത്യന്‍ അന്തിക്കാടിന്‍റെ സിനിമകളില്‍ കാണാറില്ല. സത്യന്‍റെ സിനിമകളിലെ ലാലിനെ സിബി മലയിലിന്‍റെ സിനിമകളിലും കാണാനാവില്ല. രഞ്ജിത്തിന്‍റെ സിനിമകളില്‍ മറ്റൊരു ലാല്‍. ജോഷിയുടെ സിനിമകളില്‍ മറ്റൊരാള്‍. മോഹന്‍ലാല്‍ വ്യത്യസ്തതയില്ലാതെ വ്യത്യസ്തനാകുകയാണ്. അതുകൊണ്ടാണ് മോഹന്‍ലാലിന് മലയാളികള്‍ സ്വന്തം ഹൃദയത്തില്‍ എന്നും ഇടം കൊടുക്കുന്നത്.

കൂടുതല്‍ സൂക്ഷ്മമായി നിരീക്ഷിച്ചാല്‍, മോഹന്‍ലാലിന്‍റെ സിനിമകളില്‍ ലാല്‍ എന്ന നടനെ കാണുക അപൂര്‍വമാണ്. കഥാപാത്രങ്ങളായി മാത്രമേ അദ്ദേഹം പ്രത്യക്ഷപ്പെടാറുള്ളൂ. കിരീടത്തിലെ സേതുമാധവനില്‍ ഒരു ശതമാനം പോലും ലാലിന്‍റെ മാനറിസങ്ങള്‍ നിരീക്ഷിക്കാന്‍ കഴിയില്ല. ദേവാസുരത്തില്‍ അയാള്‍ മംഗലശ്ശേരി നീലകണ്ഠനാണ്. പാദമുദ്രയില്‍ അയാള്‍ മാതുപ്പണ്ടാരം. ‘ചിത്ര’ത്തില്‍ സാഹചര്യങ്ങളുടെ ചതിക്കുഴിയില്‍ അകപ്പെട്ടുപോയ പാവം വിഷ്ണു.

കഥാപാത്രങ്ങളിലൂടെയാണ് അയാള്‍ പ്രേക്ഷകരില്‍ ജീവിക്കുന്നത്. തബല അയ്യപ്പനില്‍ നിന്ന് ഭരത്ഗോപിയെ വേര്‍തിരിച്ചെടുക്കാനാവാത്തതു പോലെ, ലാല്‍ അതവതരിപ്പിച്ച കഥാപാത്രങ്ങളില്‍ നിന്ന് മോഹന്‍ലാലിലെ ഒരിക്കലും കണ്ടെടുക്കാനാവില്ല. വാനപ്രസ്ഥത്തിലെ കഥകളിക്കാരന്‍ കലാമണ്ഡലം ഗോപിയെപ്പോലും അത്ഭുതപ്പെടുത്തിയിട്ടുണ്ടെങ്കില്‍ അത് ലാലിന്‍റെ ജന്‍‌മസിദ്ധമായ കഴിവിനുള്ള അംഗീകാരമാണ്.

മണിരത്നവും സിബി മലയിലും സത്യന്‍ അന്തിക്കാടും ഫാസിലുമൊക്കെ ലാലിന്‍റെ അഭിനയത്തികവിനു മുന്നില്‍ ‘കട്ട്’ പറയാന്‍ മറന്ന നിമിഷങ്ങളെക്കുറിച്ച് എഴുതിയിട്ടുണ്ട്. കിരീടത്തിന്‍റെ ക്ലൈമാക്സില്‍ കീരിക്കാടനെ കുത്തിമലര്‍ത്തിയിട്ടുള്ള ആ നില്‍പ്പ്, ചന്ദ്രലേഖയിലെ ആ പ്രശസ്തമായ ചിരി, ഭരതത്തില്‍ അഗ്നിക്കു നടുവിലിരുന്നുള്ള ആ പാട്ട്, ഉത്സവപ്പിറ്റേന്നില്‍ കുട്ടികളുടെ മുമ്പിലെ ആ ആത്മഹത്യ - മോഹന്‍ലാല്‍ സൃഷ്ടിച്ച അഭിനയ മുഹൂര്‍ത്തങ്ങള്‍ ഒരായിരമെങ്കിലും ഓരോ നിമിഷവും പ്രേക്ഷകന്‍റെ ഉള്ളിലേക്ക് തള്ളിക്കയറിവരുന്നു.

മോഹന്‍ലാല്‍ അഭിനയിക്കുവാന്‍ വേണ്ടി അഭിനയിക്കുന്നതാണെന്ന് ഒരിക്കലും തോന്നിയിട്ടില്ല. ഒരു കഥാപാത്രമാകുമ്പോള്‍ അയാള്‍ ആ കഥാപാത്രം മാത്രമാണ്. മഹാസമുദ്രത്തില്‍ അയാള്‍ ഇസഹാഖ് എന്ന കഥാപാത്രമായി മാറിയതുകൊണ്ടാണ് നടുക്കടലിലേക്ക് ഡ്യൂപ്പുപോലുമില്ലാതെ എടുത്തുചാടിയത്. സദയത്തില്‍ കുട്ടികളെ കൊലപ്പെടുത്തുന്ന അയാളുടെ കണ്ണുകളിലെ വന്യമായ തിളക്കം ആ കഥാപാത്രത്തിന്‍റേത് മാത്രമാണ്. ആക്ഷനും കട്ടിനുമിടയില്‍ മോഹന്‍ലാല്‍ എന്ന നടന്‍ ഇല്ലാതാകുകയും കഥാപാത്രം മാത്രം ജീവിക്കുകയും ചെയ്യുന്നു.

കഥാപാത്രത്തെ പ്രണയിക്കുന്നതുകൊണ്ടാണ് മോഹന്‍ലാലിന് ഇതൊക്കെ സാധ്യമാകുന്നത്. കമലദളത്തിലെ നന്ദഗോപാലന്‍ മാഷായി നൃത്തമാടാന്‍ അല്ലെങ്കില്‍ ലാലിന് കഴിയില്ല. കഥാപാത്രത്തെ മാത്രമല്ല, മോഹിപ്പിക്കുന്ന എന്തിനെയും അയാള്‍ പ്രണയിക്കുന്നു. പത്മരാജന്‍ എന്ന സംവിധായകനോട് ലാലിന് പ്രണയമായിരുന്നു. പത്മരാജന്‍റെ സെറ്റില്‍ അദ്ദേഹം പത്മരാജനെപ്പോലെ തന്നെ പെരുമാറിയിരുന്നു. ചിലപ്പോഴൊക്കെ ലാല്‍ പത്മരാജനായി മാറിയിരുന്നു. പത്മരാജന്‍റെ സ്വഭാവ സവിശേഷതകള്‍ ആവാഹിച്ച പകല്‍ നക്ഷത്രങ്ങള്‍ എന്ന സിനിമയില്‍ സിദ്ദാര്‍ത്ഥന്‍ എന്ന സംവിധായകനായി ലാല്‍ നടിക്കുന്നത് കാണുമ്പോള്‍ പത്മരാജനെ അറിയാതെ സ്മരിച്ചുപോയിട്ടുണ്ട്. ആ നടനവൈഭവത്തിന്‍റെ കാന്തി ദിനം‌പ്രതി ഏറുന്നത് കണ്ട് വിസ്മയത്തോടെ, ആദരത്തോടെ മാറിനില്‍ക്കുന്നു. ഇനി ഒരായിരം ചിത്രങ്ങളില്‍ ആ അത്ഭുതസാന്നിധ്യം പ്രതീക്ഷിക്കുകയാണ് ഓരോ മലയാളിയും.

എം ജി രവിശങ്കരന്‍ -weblokam.com

posted under |

shikkar free poster and wallpaper






posted under |

മോഹന്‍ലാല്‍ ഫാന്‍സ്‌ അംഗങ്ങള്‍ക്ക് ഫാമിലി ഇന്ഷുറന്സ്


മോഹന്‍ലാല്‍ ഫാന്‍സ്‌ അംഗങ്ങള്‍ക്ക് ഫാമിലി ഇന്ഷുറന്സ്

posted under |

Mohanlal launched the insurance scheme for the Fans

Mohanlal launched the insurance scheme for the members of All-Kerala Mohanlal Fans and Cultural Welfare Association. He also inaugurated the eye donation endeavour initiated by the Mohanlal fans. ``When we watch and appreciate movies, we seldom think about those who have been deprived of the gift of sight. It is great to see that my fans have come out with such a noble idea to donate their eyes,’’ he said.











posted under |

Lalettan's 50th Birthday celebration at Trivandrum


Find more photos like this on Mohanlal Fans Association


AKMFCWA celebrated Lalettan's 50th Birthday with Lalettan on 6th June 2010 at Trivandrum.

More pics will upload soon...

posted under |

പാര്‍വതി ഔട്ട്, ലാലിന് രാഗിണി ദ്വിവേദി നായിക

‘കാണ്ഡഹാര്‍’ എന്ന സിനിമയുടെ ചിത്രീകരണം ആരംഭിക്കും മുമ്പേ അത് വാര്‍ത്തകളില്‍ സജീവമായത് താരങ്ങളുടെ വിപുലമായ പട്ടികയും താരങ്ങളെ മാറ്റിയും മറിച്ചുമുള്ള പരീക്ഷണങ്ങളും കൊണ്ടാണ്. മോഹന്‍ലാല്‍, അമിതാഭ് ബച്ചന്‍, സുനില്‍ ഷെട്ടി, ഗണേഷ് വെങ്കിട്ടരാമന്‍ എന്നിവരാണ് മേജര്‍ രവി സംവിധാനം ചെയ്യുന്ന ഈ ചിത്രത്തിലെ പ്രധാന താരങ്ങള്‍.

സൂര്യ, നരേന്‍ തുടങ്ങിയവര്‍ ഈ ചിത്രത്തില്‍ അഭിനയിക്കുമെന്ന് വാര്‍ത്ത വരികയും പിന്നീട് മാറ്റപ്പെടുകയും ചെയ്തു. മോഹന്‍ലാലിന്‍റെ നായികയായി പാര്‍വതി ഓമനക്കുട്ടനെ നിശ്ചയിച്ചിരുന്നു. ഇപ്പോഴിതാ, പാര്‍വതി ചിത്രത്തില്‍ നിന്ന് ഔട്ടായതായാണ് പുതിയ വിവരം.

പാര്‍വതി ഓമനക്കുട്ടന് പകരം കാണ്ഡഹാറില്‍ മോഹന്‍ലാലിന്‍റെ നായികയാകുന്നത് കന്നഡ താരം രാഗിണി ദ്വിവേദിയാണ്. കന്നഡയില്‍ വീര മദാകരി, ഗോകുല തുടങ്ങിയ ചിത്രങ്ങളിലെ നായികയായിരുന്ന രാഗിണി ഇപ്പോള്‍ ‘അറിയാന്‍’ എന്ന തമിഴ് ചിത്രത്തില്‍ അഭിനയിച്ചുവരികയാണ്. 2009ല്‍ ഫെമിന മിസ് ഇന്ത്യ മത്സരത്തിലെ റണ്ണറപ്പാണ് രാഗിണി.

കാണ്ഡഹാറില്‍ മോഹന്‍ലാല്‍ മേജര്‍ മഹാദേവന്‍ എന്ന കഥാപാത്രത്തെയാണ് അവതരിപ്പിക്കുന്നത്. കീര്‍ത്തിചക്ര, കുരുക്ഷേത്ര എന്നീ സിനിമകളുടെ തുടര്‍ച്ചയായി മേജര്‍ രവി ഒരുക്കുന്ന ചിത്രമാണ് കാണ്ഡഹാര്‍. കാണ്ഡഹാറിലെ വിമാനം റാഞ്ചലുമായി ബന്ധപ്പെട്ട കഥയാണ് ഇത്.

source:webdunia.com

posted under |

കാണ്ഡഹാറില്‍ ലാലിനു നായിക പാര്‍വതി ഓമനക്കുട്ടന്‍

കാണ്ഡഹാര്‍’ ചിത്രീകരണം ആരംഭിക്കുകയാണ്. മോഹന്‍ലാല്‍, അമിതാഭ് ബച്ചന്‍, ഗണേഷ് വെങ്കിട്ടരാമന്‍ എന്നിവരാണ് ചിത്രത്തിലെ പ്രധാന അഭിനേതാക്കള്‍. മോഹന്‍ലാല്‍ മേജര്‍ മഹാദേവന്‍ എന്ന കഥാപാത്രത്തെയാണ് അവതരിപ്പിക്കുന്നത്. കീര്‍ത്തിചക്ര, കുരുക്ഷേത്ര എന്നീ സിനിമകളുടെ തുടര്‍ച്ചയായി മേജര്‍ രവി ഒരുക്കുന്ന ചിത്രമാണ് കാണ്ഡഹാര്‍. മുന്‍ മിസ് വേള്‍ഡ് റണ്ണറപ്പ് പാര്‍വതി ഓമനക്കുട്ടനാണ് ഈ ചിത്രത്തില്‍ മോഹന്‍ലാലിന് നായികയാകുന്നത്.

ഈ ചിത്രത്തില്‍ ആരെയാണ് മോഹന്‍ലാലിന് നായികയാക്കുക എന്ന കാര്യത്തില്‍ മേജര്‍ രവിക്ക് അധികം അന്വേഷണം നടത്തേണ്ടി വന്നില്ല. തന്‍റെ ‘മാടന്‍‌കൊല്ലി’ എന്ന ചിത്രത്തില്‍ നായികയാക്കാന്‍ ആദ്യം പാര്‍വതി ഓമനക്കുട്ടനെ മേജര്‍ രവി പരിഗണിച്ചിരുന്നു. എന്നാല്‍ ചില പ്രത്യേക കാരണങ്ങളാല്‍ ആ പ്രൊജക്ട് നടന്നില്ല. മികച്ച ഒരു സിനിമയിലൂടെ മലയാളത്തില്‍ തുടക്കം കുറിക്കണമെന്ന് പാര്‍വതിക്ക് ആഗ്രഹമുണ്ടായിരുന്നു. അതു മനസിലാക്കിയ മേജര്‍ രവി കാണ്ഡഹാറില്‍ മോഹന്‍ലാലിന്‍റെ നായികയായി പാര്‍വതിയെ തീരുമാനിക്കുകയായിരുന്നു.

മോഹന്‍ലാലിനൊപ്പം മലയാളത്തില്‍ തുടക്കം കുറിക്കാനായതില്‍ ആവേശത്തിലാണ് പാര്‍വതി. കാണ്ഡഹാറില്‍ ഏറെ അഭിനയപ്രാധാന്യമുള്ള കഥാപാത്രമാണ് പാര്‍വതിയുടേത്. ഇതിനൊപ്പം തന്നെ ‘ഉമാമഹേശ്വരം’ എന്ന ചിത്രത്തിലൂടെ തമിഴിലും പാര്‍വതി ഓമനക്കുട്ടന്‍ രംഗപ്രവേശം നടത്തുകയാണ്.

കാണ്ഡഹാറിലെ വിമാനം റാഞ്ചലുമായി ബന്ധപ്പെട്ട കഥയാണ് ‘കാണ്ഡഹാര്‍’ എന്ന ചിത്രത്തിന്‍റേത്. മുമ്പ് തമിഴ് സൂപ്പര്‍താരം സൂര്യയെ ഈ ചിത്രത്തിലേക്ക് പരിഗണിച്ചെങ്കിലും അവസാനനിമിഷം അദ്ദേഹം പിന്‍‌മാറുകയായിരുന്നു. ഗണേഷ് വെങ്കിട്ടരാമനാണ് ഇപ്പോള്‍ ആ കഥാപാത്രത്തെ അവതരിപ്പിക്കുന്നത്. ഹിന്ദിതാരം സുനില്‍ ഷെട്ടി അതിഥിതാരമായി എത്തുമെന്നും സൂചനയുണ്ട്.

posted under |

മോഹന്‍ലാല്‍ നിശ്ശബ്ദനാകുന്നു

നിശ്ശബ്ദ സിനിമകളുടെ കാലം ഇന്ന് മലയാളിക്ക് ഓര്‍മ്മപോലുമുണ്ടാകില്ല. ഇപ്പോള്‍ സിനിമകളില്‍ ശബ്ദങ്ങളുടെ കസര്‍ത്താണല്ലോ. റസൂല്‍ പൂക്കുട്ടി ഓസ്കര്‍ നേടിയതിന് ശേഷം ശബ്ദത്തിന്‍റെ പുതിയ സാധ്യതകളെക്കുറിച്ച് പ്രേക്ഷകര്‍ പോലും ഗവേഷണത്തിലാണ്.

വര്‍ഷങ്ങള്‍ക്ക് മുമ്പ് ‘പുഷ്പകവിമാനം’ എന്ന പേരില്‍ കമലഹാസന്‍ അഭിനയിച്ച ഡയലോഗില്ലാത്ത ഒരു ചിത്രം ഇറങ്ങിയിരുന്നു. ഇപ്പോഴിതാ യൂണിവേഴ്സല്‍ സ്റ്റാര്‍ മോഹന്‍ലാലും അത്തരം ഒരു പരീക്ഷണത്തിന് ഒരുങ്ങുകയാണ്. ഡയലോഗില്ലാത്ത സിനിമയുമായി മോഹന്‍ലാല്‍ വരുന്നു. ജോണ്‍ മത്തായി സംവിധാനം ചെയ്യുന്ന ചിത്രത്തിന് പേരിട്ടിട്ടില്ല.

പരസ്യചിത്രങ്ങളുടെ സംവിധായകനായ ജോണ്‍ മത്തായി മോഹന്‍ലാലിനെ നായകനാക്കി ഒരു ഹാസ്യചിത്രമാണ് ഒരുക്കുന്നതെന്നാണ് സൂചന. ‘പുഷ്പകവിമാനം’ പോലൊരു ചിത്രമാണത്രേ അദ്ദേഹത്തിന്‍റെ മനസില്‍. ഇന്ത്യയിലെ ഏറ്റവും മികച്ച ഛായാഗ്രാഹകരിലൊരാളായ രവി കെ ചന്ദ്രനാണ് ഈ സിനിമയ്ക്ക് ക്യാമറ ചലിപ്പിക്കുന്നത്.

ഡയലോഗില്ലാത്ത സിനിമകള്‍ക്ക് ഏറ്റവും പ്രധാനം അവയുടെ പശ്ചാത്തല സംഗീതമാണ്. ലോക പ്രശസ്ത ജാസ് സംഗീതകാരനും ഗ്രാമി അവാര്‍ഡ് നോമിനേഷന്‍ നേതാവുമായ ലൂയിസ് ബാങ്സ് ആണ് ഈ മോഹന്‍ലാല്‍ ചിത്രത്തിന് പശ്ചാത്തലസംഗീതം ഒരുക്കുന്നത്.

source:weblokam.com

posted under |
Newer Posts Older Posts Home

Google+ Followers

Followers


Recent Comments