തിരുവനന്തപുരം: ചലച്ചിത്രരംഗത്തെ സമഗ്രസംഭാവനക്ക് തിക്കുറിശ്ശി ഫൗണ്ടേഷന് ഏര്പ്പെടുത്തിയ തിക്കുറിശ്ശി സുകുമാരന്നായര് സ്മാരക ദേശീയ പുരസ്കാരത്തിന് നടന് മോഹന്ലാല് അര്ഹനായതായി പ്രസിഡന്റ് ആറ്റിങ്ങല് വിജയകുമാറും സെക്രട്ടറി രാജന് വി പൊഴിയൂരും പത്രസമ്മേളനത്തില് അറിയിച്ചു. ഇതോടൊപ്പം ദൃശ്യമാധ്യമ-നാടക അവാര്ഡുകളും സാഹിത്യ അവാര്ഡുകളും പ്രഖ്യാപിച്ചു. തിക്കുറിശ്ശിയുടെ ചിത്രം ആലേഖനം ചെയ്ത ശില്പവും പ്രശസ്തി പത്രവും അടങ്ങുന്ന പുരസ്കാരങ്ങള് ഡിസംബര് അവസാനവാരം തിരുവനന്തപുരത്ത് നടക്കുന്ന ചടങ്ങില് സമ്മാനിക്കും.മലയാള സിനിമയ്ക്കും ഇന്ത്യന് സിനിമയ്ക്കും നല്കിയ സംഭാവനകള് പരിഗണിച്ചാണ് അവാര്ഡ്. ചുനക്കുര രാമന്കുട്ടി ചെയര്മാനും ഡോ. ഇന്ദ്രബാബു, രാജാ ശ്രീകുമാര് വര്മ എന്നിവര് അംഗങ്ങളുമായ സമിതിയാണു പുരസ്കാരം നിശ്ചയിച്ചത്.
source:morningbellnews.com
Wednesday, September 29, 2010
തിക്കുറിശ്ശി സ്മാരക ദേശീയ പുരസ്കാരം മോഹന്ലാലിന്
Saturday, September 25, 2010
Wednesday, September 22, 2010
Saturday, September 18, 2010
Mohanlal Fans Online Unit Inaguration Pics
Mohanlal Fans Online Unit Inaguration Pics
Worldwide Online Mohanlal Fans & Cultural Welfare Association (WWOMFCWA)Unit Inaguration Pics
Friday, September 17, 2010
Thursday, September 16, 2010
Monday, September 13, 2010
Thursday, September 9, 2010
ശിക്കാര് - മോഹന്ലാലിന്റെ തിരിച്ചുവരവ്
ഏറെക്കാലത്തിന് ശേഷം മലയാള സിനിമാലോകത്തിന് ഉണര്വ്വ് സമ്മാനിക്കുകയാണ് ശിക്കാര്. റിലീസായ എല്ലാ കേന്ദ്രങ്ങളിലും ഹൌസ്ഫുള്. ആയിരക്കണക്കിന് പ്രേക്ഷകര് ടിക്കറ്റ് ലഭിക്കാതെ നിരാശരായി മടങ്ങുന്ന കാഴ്ച. തിയേറ്ററുകള്ക്ക് മുന്നില് തിരക്ക് നിയന്ത്രിക്കാന് ബുദ്ധിമുട്ടുന്ന പൊലീസുകാര്. സിനിമ കഴിഞ്ഞിറങ്ങുന്നവര്ക്ക് ഒരേയൊരു അഭിപ്രായം - തകര്പ്പന് സിനിമ!
ഒരു പ്രതികാര കഥയാണ് ശിക്കാറിലൂടെ എം പത്മകുമാര് പറയുന്നത്. ഓരോ സീനിലും സംഘര്ഷം നിറഞ്ഞുനില്ക്കുന്ന അനുഭവം. അടുത്ത രംഗത്തില് എന്താണ് സംഭവിക്കാന് പോകുന്നത് എന്ന ആകാംക്ഷ വളര്ത്തുന്ന ആഖ്യാനം. തിരക്കഥാകൃത്ത് എന്ന നിലയില് എസ് സുരേഷ്ബാബുവിന്റെ അവിശ്വസനീയമായ കൃത്യത. എല്ലാത്തിലുമുപരിയായി മോഹന്ലാലിന്റെ അസാധാരണമായ അഭിനയപ്രകടനം.
ഒരു ഇര എങ്ങനെ വേട്ടക്കാരനായി മാറുന്നു എന്നാണ് ‘ശിക്കാര്’ പറയുന്നത്. മറ്റു പോംവഴികളില്ലാതെ ആയുധമെടുക്കേണ്ടി വരുന്ന ഒരു മനുഷ്യന്റെ അലകടല് പോലുള്ള മനസ്. ആദ്യപകുതിയിലെ ലാഘവത്വം രണ്ടാം പകുതിയില് സംഘര്ഷഭരിതമായ മുഹൂര്ത്തങ്ങള്ക്ക് വഴിമാറുന്നു. ഒന്നുറപ്പിച്ചുപറയാം, ഇതിലെ മോഹന്ലാലിനെ മറ്റൊരു സിനിമയിലും പ്രേക്ഷകര് മുമ്പു കണ്ടിട്ടില്ല. ഇത്രയും സാഹസികമായ രംഗങ്ങള് മലയാളത്തില് മറ്റൊരു സിനിമയിലും വന്നിട്ടുമില്ല.
ആരാണ് ബലരാമന് എന്ന ചോദ്യമാണ് ശിക്കാറിന്റെ സസ്പെന്സ്. അത് വെളിവാകുന്നതും ക്ലൈമാക്സ് രംഗങ്ങളും ശ്വാസമടക്കിപ്പിടിച്ചുമാത്രം കണ്ടിരിക്കാവുന്ന കാഴ്ചകള്. സസ്പെന്സ് വെളിപ്പെടുത്തിയാല് ഒരു കുമിളപോലെ തകര്ന്നുപോകുന്ന സിനിമയൊന്നുമല്ല ശിക്കാര്. എങ്കിലും ആ സസ്പെന്സ് ഒളിച്ചുവയ്ക്കുന്നതില് ഒരു ത്രില്ലുണ്ട്. ശിക്കാര് കണ്ട് അറിയേണ്ട പടമാണ്.
മലയാള സിനിമയ്ക്ക് അപരിചിതമായ ലൊക്കേഷനുകളാണ് ഈ സിനിമയുടെ പ്രത്യേകത. മനോജ് പിള്ളയുടെ ക്യാമറ ലൊക്കേഷനുകളുടെ നിഗൂഢഭാവത്തെ വശ്യമായി ഒപ്പിയെടുത്തിരിക്കുന്നു. എം ജയചന്ദ്രന് ഈണമിട്ട ഗാനങ്ങളും നല്ലതാണ്. ‘പിന്നെ എന്നോടൊന്നും പറയാതെ...’ എന്ന ഗാനം അടുത്തകാലത്തുകേട്ട ഏറ്റവും മികച്ച സാഡ് സോംഗാണ്. ‘എന്തെടീ എന്തെടീ...’ എന്ന ഫാസ്റ്റ് മെലഡിയും കേള്വിസുഖമുള്ളതാണ്. അതിന്റെ ചിത്രീകരണവും മികച്ചതാണ്. ‘ചെമ്പകമേ...’ എന്ന അടിപൊളിഗാനം നല്ലതെങ്കിലും അതിന്റെ വിഷ്വലൈസേഷന് കണ്ടുമടുത്ത രീതിയിലുള്ളതാണ്.
ഓരോ നോക്കിലും ചലനത്തിലും ബലരാമന് എന്ന കഥാപാത്രമായി മോഹന്ലാല് മാറിയിരിക്കുന്നു. അഭിനയത്തിന്റെ പൂര്ണതയെന്നോ ലാലിനല്ലാതെ മറ്റൊരാള്ക്കും ഇതിനപ്പുറം പോകാനാവില്ലെന്നോ ഉറപ്പിക്കുന്ന അനവധി മുഹൂര്ത്തങ്ങളുണ്ട് ചിത്രത്തില്. സ്നേഹയുമൊത്തുള്ള രംഗങ്ങളും അനന്യയുമായുള്ള ബന്ധവുമൊക്കെ മോഹന്ലാലിന്റെ അഭിനയമികവിനാല് അസാധാരണമാം വിധം മികച്ചുനിന്നു. മാണിക്യം മൈഥിലി, കൈലാഷ്, ലാലു അലക്സ് തുടങ്ങിയവര് അവരുടെ രംഗങ്ങള് മികച്ചതാക്കി. ജഗതിക്കോ സുരാജ് വെഞ്ഞാറമ്മൂടിനോ തിളങ്ങാനായില്ല. എന്നാല് അനന്യയുടെ അഭിനയ പാടവത്തെയും ഗംഗ എന്ന കഥാപാത്രത്തിനായുള്ള സമര്പ്പണത്തെയും എത്ര അഭിനന്ദിച്ചാലും മതിയാകില്ല. സമുദ്രക്കനിയാണ് അമ്പരപ്പിക്കുന്ന പ്രകടനവുമായി ശിക്കാറിലെ മറ്റൊരു സാന്നിധ്യം.
പരുന്തിന്റെ ക്ഷീണം സംവിധായകന് എം പത്മകുമാര് ശിക്കാറിലൂടെ തീര്ത്തിരിക്കുന്നു. ജോഷിയുടെ ഫ്രെയിമുകളെ ഓര്മ്മിപ്പിക്കുമെങ്കിലും വലിയ ക്യാന്വാസില് പടമൊരുക്കാനുള്ള കഴിവ് പത്മകുമാര് ആര്ജ്ജിച്ചിരിക്കുന്നു. എന്തായാലും റംസാന് കാലം ഒരു ഉഗ്രന് ചിത്രത്തിലൂടെ അവിസ്മരണീയമാക്കിയിരിക്കുകയാണ് പത്മകുമാറും മോഹന്ലാലും.
source: രവിഷങ്കരന് webdunia.com
Wednesday, September 8, 2010
Shikkar Karaoke Song Download
Enthedi Enthedi (Karaoke) - Shikar (2010)
Film : Shikar The Hunt (2010)
Song : Enthedi EnthediMusic : M Jayachandran
Click here for karaoke
For More Karaoke Songs Click Here
യൂണിവേഴ്സല് സ്റ്റാര് മോഹന്ലാല് ഗുരുവായൂരില് തുലാഭാരം നടത്തി.
കൊടൈക്കനാലിലെ കുപ്രസിദ്ധമായ ‘ഡെവിള്സ് കിച്ചണി’ല് ഉള്പ്പടെ സാഹസികമായ രംഗങ്ങള് ചിത്രീകരിക്കുക. ആക്ഷന് സിനിമകളൊരുക്കുന്ന സംവിധായകരുടെ സ്വപ്നങ്ങളിലൊന്നായിരിക്കും ഇത്. എന്തായാലും ആ സ്വപ്നം സംവിധായകന് എം പത്മകുമാര് സഫലീകരിച്ചിരിക്കുന്നു. യൂണിവേഴ്സല് സ്റ്റാര് മോഹന്ലാല് നായകനായ ‘ശിക്കാര്’ എന്ന ചിത്രത്തില് മലയാള സിനിമയില് ഇന്നുവരെ കണ്ടിട്ടില്ലാത്ത വിധം അപകടകരമായ രംഗങ്ങളാണുള്ളത്.
അപകടങ്ങളൊന്നും കൂടാതെ ശുഭകരമായി ഷൂട്ടിംഗ് പൂര്ത്തിയാക്കാനായതിന്റെ നേര്ച്ചയായി മോഹന്ലാലിന് ഗുരുവായൂരില് തുലാഭാരം നടത്തി. വെണ്ണയിലും കദളിക്കുലയിലുമായിരുന്നു തുലാഭാരം. 92 കിലോ വെണ്ണ വേണ്ടിവന്നു. വെണ്ണയ്ക്ക് 13805 രൂപയും കദളിപ്പഴത്തിന് 1385 രൂപയും മോഹന്ലാല് ദേവസ്വത്തില് അടച്ചു.
ബുധനാഴ്ച പുലര്ച്ചെ ഉഷപൂജയ്ക്ക് മുമ്പാണ് മോഹന്ലാല് തുലാഭാരം നടത്തിയത്. ശിക്കാറിന്റെ നിര്മ്മാതാവ് ടെട്കോ രാജഗോപാലും, ലാലിന്റെ അടുത്ത സുഹൃത്ത് സനല്കുമാറും അദ്ദേഹത്തിനൊപ്പമുണ്ടായിരുന്നു.
‘ശിക്കാര്’ സിനിമയുടെ പ്രിന്റ് മോഹന്ലാല് ഗുരുവായൂര് ക്ഷേത്രത്തില് പൂജിക്കാന് നല്കി. വെള്ളിയാഴ്ച 85 കേന്ദ്രങ്ങളിലാണ് സംസ്ഥാനത്ത് ശിക്കാര് റിലീസ് ചെയ്യുന്നത്. എസ് സുരേഷ്ബാബു തിരക്കഥയെഴുതിയ ഈ സിനിമയുടെ വിതരണം മാക്സ് ലാബ്.
Monday, September 6, 2010
Sunday, September 5, 2010
ക്രിസ്ത്യന് ബ്രദേഴ്സ് ഒക്ടോബര് 18ന്
ജോഷിയുടെ മള്ട്ടിസ്റ്റാര് ചിത്രമായ ക്രിസ്ത്യന് ബ്രദേഴ്സിന്റെ അവസാന ഷെഡ്യൂള് ഷൂട്ടിങ് കൊച്ചിയില്പുരോഗമിക്കുന്നു. ചിത്രം ഒക്ടോബര് 18ന് തിയറ്ററുകളിലെത്തിയ്ക്കാനാണ് നിര്മാതാക്കള് ആലോചിയ്ക്കുന്നത്.
മോഹന്ലാല്, സുരേഷ് ഗോപി, ദിലീപ്, ശരത് കുമാര് എന്നിവര് പ്രധാന വേഷങ്ങളിലെത്തുന്ന ചിത്രം അടുത്ത കാലത്തെ ഏറ്റവും വലിയ മള്ട്ടിസ്റ്റാര് പ്രൊജക്ടുകളിലൊന്നാണ്.
മുംബൈ അധോലോകത്തു നിന്നുമെത്തുന്ന ക്രിസ്റ്റി എന്ന ഇന്ഫോര്മറുടെ റോളിലാണ് ലാല് അഭിനയിക്കുന്നത്. മതപഠനത്തിനായി വിദേശത്ത് പോയി മടങ്ങിയെത്തിയ ജോജിയായി ദിലീപും വേഷമിടുന്നു. ക്രിസ്റ്റിയുടെ സഹോദരന് കൂടിയാണ് ജോജി. പാലോമറ്റത്തു വര്ഗ്ഗീസ് മാപ്പിളയുടെയും കുടുംബത്തിന്റെയും കഥ പറയുന്ന ചിത്രം ആക്ഷനും കോമഡിയും സമാമസമം ചേര്ത്താണ് ജോഷി അണിയിച്ചൊരുക്കുന്നത്.
സിബി ഉദയന്മാര് തിരക്കഥ രചിയ്ക്കുന്ന ചിത്രത്തില് കാവ്യ മാധവന്, കനിഹ, ലക്ഷ്മി ഗോപാലസ്വാമി, ലക്ഷ്മി റായി എന്നിവരാണ് നായികമാര്. എവി അനൂപും സുബൈറും ചേര്ന്ന് നിര്മ്മിയ്്ക്കുന്ന ചിത്രം ബോക്സ്ഓഫീസില് വന്തരംഗം സൃഷ്ടിയ്ക്കുമെന്നാണ് പ്രതീക്ഷിയ്ക്കപ്പെടുന്നത്.
source:oneindia.in
Friday, September 3, 2010
