യൂണിവേഴ്സല് സ്റ്റാര് മോഹന്ലാല് ചില കടുത്ത തീരുമാനങ്ങളിലേക്ക്. സൌഹൃദങ്ങളുടെ പേരില് താന് ഇനി ആര്ക്കും ഡേറ്റ് നല്കില്ലെന്ന് പ്രഖ്യാപിക്കുകയാണ് താരം. താന് കൂടുതല് സെലക്ടീവാകുകയാണെന്നും മോഹന്ലാല് വ്യക്തമാക്കുന്നു.
ഇനിമുതല് മോഹന്ലാല് ഓരോ വര്ഷവും നാലു ചിത്രങ്ങളില് മാത്രമേ അഭിനയിക്കൂ. തിരക്കഥ പൂര്ത്തിയായതിനു ശേഷം മാത്രമേ അഭിനയിച്ചു തുടങ്ങുകയുള്ളൂ. സൌഹൃദങ്ങളുടെ പേരില് ഡേറ്റ് നല്കുന്നത് ആര്ക്കും ഗുണം ചെയ്യുന്ന കാര്യമല്ലെന്നും മോഹന്ലാല് പറയുന്നു.
ഇനിയുള്ള വര്ഷങ്ങളില് തന്റെ ചിത്രങ്ങള്ക്ക് കൃത്യമായ പ്ലാനിംഗ് ഏര്പ്പെടുത്തുമെന്ന് മോഹന്ലാല് പറയുന്നു. കഥയുടെ ചില ഭാഗങ്ങള് മാത്രം പറയുന്ന രീതി അനുവദിക്കില്ല. പൂര്ണമായ തിരക്കഥ ലഭിച്ചതിന് ശേഷം മാത്രമേ അഭിനയിക്കുന്ന കാര്യം തീരുമാനിക്കുകയുള്ളൂ. ഷൂട്ടിംഗിന് എത്തുന്നതിന് മുമ്പ് അടുത്ത ദിവസത്തെ ഷൂട്ടിംഗ് ഷെഡ്യൂള് വിവരങ്ങള് ലഭിച്ചിരിക്കണം. ചിത്രീകരണത്തില് നിര്മ്മാതാവിന്റെ ഇടപെടല് നിര്ബന്ധമാക്കുമെന്നും മോഹന്ലാല് അറിയിച്ചു.
മോഹന്ലാലിനെ നായകനാക്കി വന് ബജറ്റ് ചിത്രങ്ങളാണ് അണിയറയിലൊരുങ്ങുന്നത്. ശിക്കാര്, കാണ്ഡഹാര്, കാസനോവ എന്നിവയാണ് ഇതില് പ്രധാനം. കാസനോവയുടെ ലൊക്കേഷന് കാണാനായി ആന്റണി പെരുമ്പാവൂര് ഇപ്പോള് ബാങ്കോക്കില് സന്ദര്ശനം നടത്തുകയാണ്.
source:weblokam.com
Saturday, May 29, 2010
മോഹന്ലാല് സെലക്ടീവാകുന്നു, ഇനി വര്ഷം 4 ചിത്രങ്ങള്
Monday, May 24, 2010
Best Mohanlal Fans Association Competition
http://www.manoramaonline.com/advt/movie/mohanlal_2010/fans.htm
http://www.manoramaonline.com/advt/movie/mohanlal_2010/fans.htm
Sunday, May 23, 2010
Thursday, May 13, 2010
മോഹന്ലാലിന് വീണ്ടും ജൂഹി ചൌള നായിക
1998ല് പുറത്തിറങ്ങിയ ‘ഹരികൃഷ്ണന്സ്’ എന്ന ചിത്രം ഓര്മ്മയില്ലേ? മലയാള പ്രേക്ഷകര്ക്ക് വിവാദങ്ങളുടെ പേരിലെങ്കിലും മറക്കാനാവാത്ത ചിത്രമാണ് അത്. ഫാസില് സംവിധാനം ചെയ്ത ആ ചിത്രത്തില് മമ്മൂട്ടിയും മോഹന്ലാലുമായിരുന്നു നായകന്മാര്. ഹിന്ദിയിലെ താരസുന്ദരി ജൂഹി ചൌളയായിരുന്നു നായിക. ഇരട്ട ക്ലൈമാക്സ് ആണ് ആ ചിത്രത്തെ വിവാദങ്ങളിലേക്ക് വലിച്ചിഴച്ചത്.
മോഹന്ലാലോ മമ്മൂട്ടിയോ, ആരാണ് നായികയെ സ്വന്തമാക്കേണ്ടത് എന്നതായിരുന്നു ഫാസിലിനെ കുഴപ്പിച്ച ചോദ്യം. ഒടുവില് പകുതി പ്രിന്റുകളില് ലാലിന് ജൂഹിയെ കിട്ടുന്നതായും ബാക്കി പകുതിയില് ജൂഹിയെ മമ്മൂട്ടി നേടുന്നതായും ചിത്രീകരിച്ചു. ചിത്രം തിയേറ്ററുകളിലെത്തിയപ്പോള് ഇരട്ട ക്ലൈമാസ് വന് വിവാദമാണ് സൃഷ്ടിച്ചത്.
ഇപ്പോഴിതാ, ജൂഹി ചൌളയെ സ്വന്തമാക്കാന് മോഹന്ലാലിന് വീണ്ടും ഒരു അവസരം. ഇത്തവണ മത്സരത്തിന് മമ്മൂട്ടി ഉണ്ടാകുകയുമില്ല. അതേ, ഷാജി എന് കരുണ് സംവിധാനം ചെയ്യുന്ന ‘ഗാഥ’ എന്ന ചിത്രത്തിലാണ് മോഹന്ലാലിന് ജൂഹി നായികയാകുന്നത്. ടി പത്മനാഭന്റെ ‘കടല്’ എന്ന ചെറുകഥയാണ് ഈ സിനിമയ്ക്ക് ആധാരം.
മോഹന്ലാലിന്റെ ഭാര്യയായാണ് ജൂഹി ഗാഥയില് അഭിനയിക്കുന്നത്. ആദ്യം ജയാ ബച്ചനെയും പിന്നീട് മാധുരി ദീക്ഷിതിനെയും മോഹന്ലാലിന്റെ ഭാര്യാവേഷത്തിനായി ആലോചിച്ചതാണ്. ഒടുവിലാണ് സംവിധായകന് ജൂഹിയിലെത്തിയത്. ഈ ചിത്രത്തില് മോഹന്ലാലിന് ഒരു മകളും ഉണ്ട്.
സംഗീതസാന്ദ്രമായ ഒരു ചിത്രമായിരിക്കും ഗാഥ. ഹോളിവുഡില് നിന്നുള്ള സാങ്കേതികവിദഗ്ധര് ഈ ചിത്രവുമായി സഹകരിക്കുന്നുണ്ട്. ലഡാക്കിലാണ് ഈ സിനിമയുടെ ചിത്രീകരണം ആരംഭിക്കുന്നത്. വാനപ്രസ്ഥത്തിന്റെ ക്യാമറാമാനായ റെനറ്റോ ബര്ട്ടോയാണ് ഗാഥയ്ക്കും ഛായാഗ്രഹണം നിര്വഹിക്കുന്നത്. ഇളയരാജയാണ് സംഗീതം. കലാസംവിധാനം തോട്ടാധരണി. ചെന്നൈ, വിയന്ന എന്നിവിടങ്ങളിലായി ചിത്രീകരണം പൂര്ത്തിയാകും.
Friday, May 7, 2010
അലക്സാണ്ടര് ദി ഗ്രേറ്റ് രസകരം
അലക്സാണ്ടര് ദി ഗ്രേറ്റ് മോഹന്ലാലിന്റെ ഏറ്റവും മികച്ച ചിത്രങ്ങളില് ഒന്നല്ല. ഇതിന്റെ കഥ ആരും കേട്ടിട്ടില്ലാത്തതുമല്ല. എന്നാല് ഈ സിനിമയെക്കുറിച്ചുള്ള കേട്ടറിവുകളില് ഉണ്ടായ മുന്വിധിയെ തകര്ത്തുകളഞ്ഞു സിനിമയുടെ ആഖ്യാനം. കാണികളെ എന്റര്ടെയ്ന് ചെയ്യുക എന്ന മിനിമം കടമ നിര്വഹിക്കുന്നതില് അലക്സാണ്ടര് വിജയമാണ്. മനസ് ഫ്രീയാക്കി, രസകരമായി കണ്ടിരിക്കാവുന്ന ചിത്രമാണ് അലക്സാണ്ടര് ദി ഗ്രേറ്റ്.
പ്രതാപവര്മ എന്ന ദുബായ് ബേസ്ഡ് ബിസിനസ് രാജാവിന്റെ മരണമാണ് കഥയുടെ തുടക്കം. വര്മ മരിച്ചതോടെ കോടികള് വരുന്ന അയാളുടെ സമ്പത്തിനായി ബന്ധുക്കള് രംഗത്തെത്തുന്നു. വര്മയുടെ മകന് മനു(ബാല)വാണ് അന്തമില്ലാത്ത ആ സ്വത്തിനെല്ലാം അവകാശിയെന്ന് കരുതിയിരുന്നവര്ക്ക് ഒരു ഷോക്കിംഗ് ന്യൂസാണ് കേള്ക്കേണ്ടിവന്നത്. വര്മ കോര്പറേറ്റ്സ് എന്ന ബിസിനസ് സാമ്രാജ്യവും മറ്റ് സ്വത്തുക്കളും വര്മ മറ്റൊരാളുടെ പേരില് എഴുതിവച്ചിരിക്കുകയാണ്. ഏതോ ഒരു അലക്സാണ്ടര് വര്മ!
അയാള് ആരാണെന്നുള്ള അന്വേഷണം നമ്മുടെ നായകനിലേക്കെത്തുകയാണ്. കുട്ടിത്തമുള്ള, എന്നാല് വലിയകാര്യങ്ങള് ചിന്തിക്കുന്ന, നിഷ്കളങ്കനായ, എന്നാല് ബുദ്ധിമാനായ ആ കഥാപാത്രമായി സാക്ഷാല് മോഹന്ലാല് സ്ക്രീനില് നിറയുന്നു.
അലക്സാണ്ടര് വര്മ പിന്നീട് നടത്തുന്ന നീക്കങ്ങളാണ് ഈ സിനിമയുടെ പ്രമേയം. ശത്രുക്കള് ഏറുമ്പോഴും അയാള് കളിക്കുകയാണ്. അലക്സാണ്ടറുടെ മൈന്ഡ് ഗെയിമുകള് മറ്റുള്ളവര്ക്ക് ചിന്തിക്കാവുന്നതിനും അപ്പുറത്തായിരുന്നു.
രാജമാണിക്യം, ഹലോ, ഫ്ലാഷ് തുടങ്ങിയ മുന്കാല ചിത്രങ്ങളുടെ ഓര്മ്മയുണര്ത്തും പലപ്പോഴും അലക്സാണ്ടര് ദി ഗ്രേറ്റ്. എങ്കിലും വ്യക്ത്വിത്വമുള്ള ഒരു സിനിമയായി വേറിട്ടുനില്ക്കാന് അതിനു കഴിയുന്നുണ്ട്. മനസില് തട്ടുന്ന ചില മുഹൂര്ത്തങ്ങള് മോഹന്ലാല് അപാരമായ മികവോടെ അവതരിപ്പിച്ചിരിക്കുന്നു.
‘വാണ്ടഡ്’ എന്ന തന്റെ ആദ്യചിത്രത്തില് നിന്ന് സംവിധായകന് എന്ന നിലയില് ഏറെ മുന്നേറിയ ഒരു മുരളി നാഗവള്ളിയെയാണ് ഈ സിനിമയില് കാണാനാവുക. എങ്കിലും നല്ല ഒരു തിരക്കഥയുടെ അഭാവം ചില രംഗങ്ങളില് ലാഗ് അനുഭവിപ്പിക്കുന്നു.
മോഹന്ലാല് തനിക്ക് ലഭിച്ച കഥാപാത്രത്തെ മികവുറ്റതാക്കി. ബാലയും ബാലയുടെ നായികയായി വരുന്ന മീനാക്ഷി ദീക്ഷിതും ഭേദപ്പെട്ട പ്രകടനം കാഴ്ചവയ്ക്കുന്നു. സിദ്ദിഖ്, ഗണേഷ്, നെടുമുടിവേണു എല്ലാം പതിവുപോലെ. എന്നാല് ജഗദീഷിന്റെ കോമഡികള് പലപ്പോഴും ചിരിക്കണോ കരയണോ എന്ന സങ്കീര്ണതയിലേക്ക് പ്രേക്ഷകനെ എത്തിക്കുന്നു എന്ന് പറയാതെ വയ്യ.
വില്ലനായി ജോണ് കൊക്കെന് നന്നായി. എടുത്തുപറയേണ്ട ഒരുകാര്യം ബാലയുടെ അമ്മ ഗായത്രി എന്ന കഥാപാത്രമായി വേഷമിട്ട സുധാചന്ദ്രന്റെ പ്രകടനമാണ്. ഏറെക്കാലത്തിനു ശേഷമാണ് സുധാചന്ദ്രനെ സ്ക്രീനില് കാണുന്നത്. തനിക്കു ലഭിച്ച വേഷം അനുഗ്രഹീതയായ ആ നടി ഗംഭീരമാക്കി.
പ്രേക്ഷകര്ക്ക് ബോറടിയില്ലാതെ ആസ്വദിക്കാവുന്ന ചിത്രമാണ് അലക്സാണ്ടര് ദി ഗ്രേറ്റ്. മോഹന്ലാലിന്റെ കുസൃതി നിറഞ്ഞ നേരമ്പോക്കുകള് പ്രേക്ഷകര് കൈയടിയോടെ സ്വീകരിക്കുന്നുണ്ട്. എന്നാല് ഇടയ്ക്ക് നായകന് നടത്തുന്ന ചില പ്രവചനങ്ങളൊക്കെ ഒഴിവാക്കാമായിരുനു എന്നു തോന്നി
source:webdunia.com
Saturday, May 1, 2010
